Жогорку Соттун судьялыгына ат салыша турган 34 талапкер 1-турга катышууга укук алышты

Бүгүн Сотторду тандоо кеңешинин жыйынында Жогорку Соттун судьялык кызматына ат салыша турган 34 талапкер тандоонун 1-туруна катышууга укук алышты. Атайын түзүлгөн жумушчу топ бардык талапкерлердин жеке ишин карап чыгып, аларды бардык талаптарга жооп берет деген жыйынтыкка келди. Тандоонун 1-туру 12-14-ноябрда, 2-туру 15-20-ноябрда ал эми акыркы туру 21-ноябрда өтөт.