Ош облусунда мамлекеттик чек арага жакын аймакты сүрөткө тартып жүргөн япон жараны кармалды

Ош облусунда мамлекеттик чек ара режимин бузган япон жараны кармалды. Бул тууралуу бүгүн, 8-декабрда Мамлекеттик чек ара кызматынан билдиришти.
Маалым болгондой, кечээ, 7-декабрда "Ош" чек ара отряды Т.Н. аттуу 1981-жылы туулган япон жаранын кармашкан. Чет өлкөлүк жарандын айтымында, ал кыргыз жергесине турист катары келип, Чоң-Алай районунун Кара-Тейит аймагын сүрөткө тартып жүргөн.

“Кармалган адамдын жанында чек арада сүрөт тартууга уруксат бере турган документтери жок болгон. Буга чейин аталган жаран Кыргыз Республикасына Казакстандан келген. Тиешелүү документтерди толтурган соң чек арачылар япон жаранын УКМКнын аймактык бөлүмүнө өткөрүп беришти”,- деп айтылат маалыматта.