Супер-Инфо
super.kg видео
"Дрыщ" 1,5 жылга эркинен ажыратылды, ал эми МАИчилер 100 миң сомдон айып пул төлөшөт
Бишкек шаарынын Октябрь райондук соту Жол-кайгуул кызматынын инспекторлорунун катышуусундагы чуу жараткан окуя боюнча өкүмүн чыгарды. Бул тууралуу SUPER.KG порталына жабырлануучу активист Болот Ибрагимов билдирди.
Анын айтымында, МАИ инспекторлору Жеңиш Чокморов жана Урмат Белеков "кызматтык абалынан кыянаттык менен пайдалануу" беренеси боюнча күнөөлүү деп табылып, аларга 100 миң сомдон айып пул тагылды. "Ал эми милициянын штаттан сырткаркы кызматкери Адилет Жунусов "ээнбаштык" беренесинин негизинде айыпталып, 1,5 жылга эркинен ажыратылды. Ал жаза мөөнөтүн жатак-абагында өтөмөкчү. Жунусов менен кошо жүргөн Азирет Арызов күнөөлүү деп табылган жок",- деди активист.
Эскерте кетсек, июнь айынын аягында интернетке МАИ кызматкерлеринин жарандык активисттерден акча талап кылып жатышканы тартылган видео тараган. Бул боюнча иликтөө иштери жүрүп, натыйжада тасмадагы 2 жол-кайгуул кызматкери жана аларга көмөктөшкөн бир жаран (Жол-кайгуул кызматынын штаттан сырткаркы кызматкери экени айтылган) кармалып, аларга кылмыш иши ачылган. Жол-кайгуул кызматкерлери “опузалап пара талап кылуу”, “кызмат абалынан пайдалануу” беренелери боюнча айыпталышкан. Активисттердин автоунаасынын мамлекеттик номурларын жулуп салган А.Жунусов интернетте "Дрыщ" ("тыржыйган адам" - ред.) деген каймана атка ээ болгон эле.
10
Колу бутун толгоп туруп сазайын берип коюшпайбы. Жабырлануучу болуп алат бат эле. Явно милицияларды подстава кылып коюп.
Кээ бирлери активист деп алышыптыр. Мен тигил арык бала менен милицияны жактабайм бирок Болоттун кылганы уят эле нерсе. Атын чыкпаса жер ортто болду да.