Депутаттар социалдык түйүндөрдү көзөмөлгө алууну сунуш кылышты

"Социалдык түйүндөрдү көзөмөлгө алуу керек",- деди депутат Элмира Жумалиева Жогорку Кеңештин 10-декабрдагы жыйынында коопсуздук маселесине токтолуп. Депутат социалдык түйүндөргө карата көзөмөл жүргүзүлбөсө, Сирияга барууга үндөп жаткандарды токтотууга болбой турганын айтты.
"Азыр коомдук ишмерлерге карата ачыктан ачык эле кол салуу болуп жатат. Эртең мамлекеттин коопсуздугуна кол салуу болбойт деп эч ким кепилдик бере албайт. Ушул жагдайларга карата муфтияттан эч кандай реакция болбой жатканы мени таң калтырууда",- деди Жумалиева.