Депутаттар улуттук валютанын кунун турукташтыруу багытында көрүлүүчү ыкчам чаралардын долбоорун талкуулап жатышат

Бүгүн, 10-декабрда Жогорку Кеңеште "Улуттук валютанын курсун турукташтыруу жана Кыргыз Республикасынын экономикасын доллардан арылтуу боюнча чаралар жөнүндө" токтомдун долбоору каралууда. Талкууга вице-премьер-министр Олег Панкратов баштаган өкмөт мүчөлөрү катышып, мыйзам долбоору боюнча депутат Акылбек Жапаров баяндама жасап жатат. Суроо-жооп учурунда депутат Максат Сабиров: "Жөнөкөй жарандар "Өкмөт бюджеттик мекемелердин кызматкерлерине гана сом менен насыя бере баштайт экен. Эмнеге бизге бербейт?" деп нааразы болуп жатышат",- деп айтты.

Жапаров Улуттук банк жеке банктар менен биргеликте алгач ким насыя алганын аныктап чыгышы керектигин айтты. Жапаров насыя берүүнү доллардан сомго которууга 40 миллион доллар керек болорун кошумчалады.