Бишкекте кыргыз жериндеги дизайнерлерди колдоо максатында эл аралык иш-чара өтөт

Кыргыз жериндеги дизайнерлерди колдоо максатында Бишкекте 19-декабрь күнү эл аралык мода көргөзмөсү өтөт. Иш-чаранын максаты өлкөбүздөгү дизайнерлерди эл аралык аренага чыгаруу болуп саналат. Анда дизайнер, модель, фотографтар арасында мыктылар тандалат.

Бүгүн, 14-декабрдагы маалымат жыйынында АКШдан келген дизайнер Лэси Купани: “Кыргыз жеринен 10 дизайнер катышат. Алардын арасында тажрыйбалуу жана жаш дизайнерлер бар. Ар бир коллекцияда 5тен кийим болот. Эл аралык деңгээлдеги калыстар келишет. Өзүм Англия жана Америкадан алып келген коллекциямды көрсөтөм”,- деди.