Өткөн сутка ичинде өлкө аймагында 16 өрт кырсыгы катталып, эң көбү Чүйдө болду

Өткөн сутка ичинде өлкө аймагында 16 өрт кырсыгы катталып, аларды өчүрүүгө 16 өрт өчүрүү бөлүмү тартылды. Муну бүгүн, 15-декабрда Жарандык коргонуунун Өрткө каршы кызматынан билдиришти.
Маалым болгондой, Бишкекте 2, Чүй облусунда 4, Нарын облусунда 1, Жалал-Абад облусунда 2, Таласта 2, Ош облусунда 3, Баткенде 2 өрт кырсыгы катталды. Алардын келип чыгуу себептери электр жабдууларын куроодогу эреженин бузулушу, тамеки тартуудагы этиятсыздык жана мештер менен морлордун туура эмес түзүлүшү экени аныкталды.