КМШ өлкөлөрүнүн чек араларын бекемдөө боюнча келишимди тийиштүү комитет жактырды

Жогорку Кеңештин Эл аралык иштер, коргоо жана коопсуздук комитетинин 29-декабрдагы жыйынында КМШга мүчө мамлекеттердин тышкы чек араларында чек ара коопсуздугунун коркунучуна тез жооп кайтаруу үчүн чек ара ведомстволорунун биргелешкен адистер тобун түзүү жана колдонуу тартиби жөнүндө макулдашууну ратификациялоо жөнүндө мыйзам долбоору үчүнчү окууда жактырылды.

Келишимдин максаты - биргелешкен эксперттик топту түзүү, колдонуу жана токтотуу тартибин аныктоо. Биргелешкен топтун негизги милдеттери: тышкы чек арада чек ара коопсуздугун камсыздоого тажрыйбалык көмөк көрсөтүү, чек ара коопсуздугунун коркунучун талдоо, тышкы чек арада түзүлгөн жагдай жөнүндө маалыматтарды топтоо.