Чет өлкөлүк жарандын чучук тууралуу билдирүүсүнө карата кылмыш ишин козгоо боюнча материалдар прокуратурага жөнөтүлдү

"Кумтөрдө" иштеген чет өлкөлүк жарандын чучукту аттын жыныстык мүчөсүнө салыштырганы "Кумтөрдүн" кызматкерлеринин гана эмес, интернет колдонуучуларынын арасында нааразылык жаратты. Интернеттеги социалдык тармактагы баракчасына жазып чыккан Майкл Макфит 2-январда кечинде милиция кызматкерлери тарабынан "Манас" аэропортунан колго түшүрүлгөн эле.

Ал ички иштер органдарында сурак берип, үйүнө бошотулду. Ал эми анын чучук тууралуу билдирүүсүнө карата кылмыш ишин козгоо (улуттук, расалык жана диний кастыкты козгогондугу үчүн) боюнча материалдар Каракол шаардык прокуратурасына жөнөтүлдү. Кылмыш иши козголсо, материалдар УКМКга өткөрүлүп берилет. Муну 4-январда SUPER.KG порталына Ысык-Көл облустук ички иштер башкармалыгынан билдиришти.