Супер-Инфо
super.kg видео
ЭЛДИК КАБАР: Бишкектеги Республикалык жугуштуу оорулар ооруканасында орундун жоктугунан бейтаптар коридордо жатып дарыланууга мажбур
Бишкектеги Республикалык жугуштуу оорулар ооруканасында орундун жоктугунан бейтаптар коридордо жатып дарыланууга мажбур. Бул тууралуу бүгүн, 7-январда окурман SUPER.KG порталына WhatsApp аркылуу билдирди. Анын айтымында, дарыгерлер бейтаптардын санын кыскартуунун ар кандай айласын издешүүдө.
“Балдарым ооруп, ушул ооруканага 2-январда түшкөнбүз. Бүгүн майрам болгондуктан, нөөмөттөгү дарыгер “абалыңар жакшы болуп калса, өз каалооңор менен ооруканадан чыккыла” деди. “Бизди жакшы болду десеңиз, "дарыгерлер чыгарды" деген тастыктоочу кагаз жазып бериңиз” десем, “анда жата бергиле” деп чыгып кетти. Муну кандайча түшүнсө болот? Эртең баламдын абалы начарлап калса, "өзүңөр чыккансыңар, өзүңөр күнөөлүүсүңөр” дешет да.
Экинчиден, ооруканадагы медицина кызматкерлери бейтаптарга орой жана кайдыгер мамиле жасашат экен. Биз жаткан күндөн бери палаталар жуула элек, тегерек-чети кир”,- дейт окурман.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.
2
Мурун кай бир жерден ушундай көйгөйлүү маселелерди көрүп кыжырданып кала берсең, азыр 1,2,3 и сразым Элге жетет...