Жумгал районунда сарайдан өрт чыгып, 2 уй, 15 эчки, 15 кой күйүп кетти

Өткөн сутка ичинде өлкө аймагында 13 өрт кырсыгы катталып, аларды өчүрүүгө 14 өрт өчүрүү бөлүмү тартылган. Бул тууралуу бүгүн, 20-январда Өзгөчө кырдаалдар министрлигинин басма сөз кызматынан билдиришти.

Маалыматка ылайык, Бишкек шаарында 1, Чүй облусунда 4, Ысык-Көл облусунда 1, Жалал-Абад облусунда 3, Нарын облусунда 2, Талас облусунда 1, Ош облусунда 1 өрт кырсыгы катталды.

Жумгал районуна караштуу Кичи-Арал айылындагы үйлөрдүн биринен өрт чыкты. Анда сарайдын 40 чарчы метр чатыры, 6 тонна чөп, 2 уй, 15 эчки, 15 кой күйүп кетти. Өрттүн келип чыгуусуна отко карата этиятсыз мамиле себеп болгон.