Жылнаама, 23-январь: Мындан 50 жыл мурун Ош шаарынын мэри Айтмамат Кадырбаев туулган

* Мындан 50 жыл мурун, 1966-жылы Ош шаарынын мэри Айтмамат Кадырбаев Оштун Кара-Суу шаарында туулган. Кыргыз мамлекеттик университетинин экономика факультетин аяктаган. 1990-жылдардын башында облустук бир мекемеде экономист, башкы эсепчи, 1993-1996-жылдары "Ош азык-түлүк соодасы" АКнын инспектору, андан соң директору болгон. 1996-1998-жылдарда Ош шаардык базарлар башкармалыгында жетекчинин орун басары болуп иштеген. Кадырбаевдин өмүр таржымалында 2000-жылдардын башында ал бир жылдай Чүй облустук ИИБинин экономикалык кылмыштарга каршы күрөшүү бөлүмүнүн кызматкери да болгону жазылган. 2014-жылдын 15-январында Айтмамат Кадырбаев расмий түрдө Ош шаарынын мэри болуп шайланган.

* Мындан 18 жыл мурун, 1998-жылы кыргызстандык 1-космонавт Салижан Шарипов америкалык 89-экспедициянын курамында биринчи жолу космоско учкан. Салижан Шарипов америкалык "Ендевор" кемесинде Флориданын Канаверал кысыгынан космоско көтөрүлгөн. Ал космосто баш-аягы 8 күн болгон. Салижан Шариповдун эрдиги "Кыргыз Республикасынын Баатыры" наамы менен бааланып, Бишкек мэриясы ага 3 бөлмөлүү үйдү белекке берген.

* Мындан 460 жыл мурун, 1556-жылы адамзат тарыхындагы өтө катуу жер титирөө Кытай мамлекетинин Шанси провинциясында болгон. Жер титирөөнүн очогу Хуанхэ дарыясынын боюндагы Сиан шаарында орун алган. Жер титирөө 830 000 адамдын өмүрүн алып кеткен.

* Мындан 70 жыл мурун, 1946-жылы орус олигархы Борис Березовский Москвада төрөлүп, жогорку билимди Москва токой техникалык институтунан жана ММУнун механика-математикалык факультетинен алган. Эң алгачкы кызматын 1969-жылы Прибор куруу министрлигинде инженер болуудан баштаган. Ал эми 2013-жылы 23-мартта 68 жаштагы Березовскийдин жансыз денеси Лондондон 40 чакырым алыстагы Аскот деген жердеги өзү жашаган үйдүн ваннасынан табылган.

23-январда Кыргыз Республикасында жана дүйнөдө орун алган окуялар тууралуу кененирээк бул жактан окуй аласыздар.