Кыргыз-тажик чек арасында жер титиреди

24-январда саат 01:00 чамасында кыргыз-тажик чек арасында очогунда күчү 4 - 4,5 баллга жеткен жер титирөө катталды. Бул тууралуу Сейсмология институтунун басма сөз кызматы жарыялады.

Маалыматка ылайык, зилзаланын очогу Жаңы-Дабан ашуусунда, Алга айылынан 33 чакырым түндүк-батышта, Кара-Тейит айылынан 35 чакырым түндүк-батышта, Сары-Таш айылынан 35 чакырым түштүк-чыгышта жайгашкан. Калктуу аймактарда жер титирөөнүн күчү Жаңы-Дабан ашуусунда 3,5 балл, Алга айылында 2,5 балл, Сары-Таш айылында 2-2,5 балл болду.