Ысык-Көлдө сыналган "Бир айыл - бир продукция" долбоору башка аймактарда улантылат

Ысык-Көлдө ишке ашырылган "Бир айыл - бир продукция" долбоору өлкөнүн башка аймактарында улантылат. Экономика министрлигинин жетекчилиги менен Япония Эл аралык кызматташтык агенттигинин өкүлдөрү 25-январда долбоордун жыйынтыктарын, мындан аркы пландарды талкуулашты. Долбоордун максаты - жергиликтүү ресурсту пайдалануу менен аймактарды өнүктүрүүгө көмөктөшүү жана айыл тургундарынын кирешесин турукташтыруу.

Бишкекке "Бир айыл - бир продукция" борбору ачылганы жатканы айтылды. Борбор жергиликтүү ресурстардан товар өндүргөндөргө продукциянын сапатын жакшыртуу боюнча консультациялык жана маалыматтык колдоо көрсөтмөкчү. Өндүрүлгөн товарды сатууну уюштуруу ишине да көмөктөшөрү маалымдалды.