Алмазбек Атамбаев Сот реформасы боюнча кеңештин курамынан Нарымбаевди, Лаврованы, Никитенкону чыгарды

Президент Алмазбек Атамбаев Сот реформасы боюнча кеңештин курамын өзгөртүү боюнча жарлыкка кол койду. Бул тууралуу бүгүн, 26-январда Жогорку Соттун басма сөз кызматы жарыялады.

Жарлыкка ылайык, А.Атамбаев аталган кеңештин курамына төмөнкүлөрдү киргизди:

- Ниязов Фарид Абилезимович - КРнын Президентинин аппаратынын жетекчиси;

- Шадиев Аскарбек Алимбаевич - Жогорку Кеңештин Бюджет жана финансы боюнча комитетинин төрагасы (макулдашуу боюнча);

- Жылкыбаев Узарбек Казиевич - Жогорку Кеңештин депутаты, КСДП фракциясы (макулдашуу боюнча);

- Алимбеков Нурбек Каарыевич - Жогорку Кеңештин депутаты, «Кыргызстан» фракциясы (макулдашуу боюнча);

- Сабиров Максат Эсенович - Жогорку Кеңештин депутаты, «Республика - Ата Журт» фракциясы (макулдашуу боюнча);

- Жакупова Чолпон Идиновна - Жогорку Кеңештин депутаты, «Бир бол» фракциясы (макулдашуу боюнча);

- Токбаева Айнаш Абдымановна - КРнын Жогорку Сотунун төрайымы (макулдашуу боюнча);

- Айжигитов Дастанбай Абдирашитович - Судьялар кеңешинин төрагасы (макулдашуу боюнча);

- Касымалиев Адылбек Алешович - КРнын Каржы министри.

Мындан тышкары ушул эле жарлык менен Сот реформасы боюнча кеңештин курамынан Данияр Нарымбаев, Токтогул Туманов, Наталья Никитенко, Эристина Кочкарова, Феруза Жамашева, Жакып Абдырахманов, Ольга Лаврова чыгарылды.