18-ноябрда Ала-Тоо конушунан табылган маркумдун өздүгү дале аныктала элек (Нерви жукаларга сунушталбайт!)

2015-жылдын 18-ноябрында саат 08:00 чамасында Бишкек шаарынын Ала-Тоо конушундагы темир жолдун жанынан табылган маркумдун өздүгү дале аныктала элек. Бул тууралуу SUPER.KG'ге Ленин райондук ички иштер башкармалыгынан билдиришти. Ал эми ал адамды өлтүргөндөр Ленин райондук милициясынын кызматкерлери тарабынан изделип жатат.

Маалыматка ылайык, азиат улутундагы 40-45 жаштардагы маркум мыкаачылык менен өлтүрүлгөн. Мындан улам милиция маркумдун өздүгүн аныктоодо жарандардан жардам сурап жатат. Эгер ал жөнүндө кандайдыр бир маалыматка ээ болсоңуз, (0553) 10-23-59, (0551) 10-22-33 телефон номурлары аркылуу кайрылышыңыз керек. Милиция купуялыкты сактоого кепилдик берет.