№50-СИЗОдон качып, бутунан жарадар болуп колго түшкөн Эдил Абдрахмановго операция жасалды

№50-СИЗОдон качкандардын арасынан жалгыз тирүү кармалган Эдил Абдрахмановдун бутуна операция жасалды. Бул тууралуу бүгүн, 27-январда ЖАМКтын басма сөз кызматы жарыялады.

"№47-түзөтүү колониясынын борбордук ооруканасында Травматология жана ортопедия илимий-изилдөө борборунун директорунун орун басары, хирург Жаныш Сулайманов жасады. Операцияны Кыргыз Республикасындагы Кызыл Крест Эл аралык комитети төлөп берди",- деп айтылат маалыматта.

"Террорчулук үчүн өмүр бою эркинен ажыратылган Эдил Абдрахманов 2015-жылдын октябрь айында №50-СИЗОдон качкан 9 адамдардын бири болгон. Алар түрмөдөн качып баратышканда ЖАМКтын 4 кызматкерин өлтүрүшкөн.

Абдрахмановду кармоо учурунда бутунан жарадар болгон. Буту сакайбай жатканынан улам ал сотко катыша албай жатат. Мындан улам соттук отурумдар жылдырылган. Кийинки соттук отурум 28-январга дайындалган",- деп эскертет ЖАМК.