Депутаттар президенттик аппараттан KG номурлар жок кылынбай калганын сындашты

Жогорку Кеңештин 4-февралдагы жыйынында депутаттар KG сериясындагы номурлардын жок кылынышына токтолду. "Кечээ KG номурларды жарактан чыгарышты. Бирок мындай номурлар президенттик аппаратта калтырылганы айтылды. Эгер баш тартсак, баарынан тегиз алынышы керек",- дейт депутат Кенжебек Бокоев.

Депутат өлкөдөгү жеке компаниялар, фирмалар автоунаалары үчүн каалагандай номур тагып жүрүшкөнүн айтат. "Айрымдар мамлекеттик гербди, жалпы символдорду өзүм билемдик менен жасатып, автоунааларына тагып жүрүшөт. Муну көзөмөлдөгөн эч ким жок",- деди депутат.