Нарында күйөөсү менен аялы өрт кырсыгына кабылып, учурда ооруканада

Кечээ, 5-февралда Нарын шаарындагы үйлөнүү-үлпөт салондорунун биринде өрт чыккан. Бул тууралуу SUPER.KG порталына Нарын шаарындагы Өрттүн алдын алуу башкармалыгынын башчысынын орун басары Нурлан Ташмамбетов кабарлады.

"Бизге өрт тууралуу билдирүү саат 17:10дордо түштү. Айтылган дарек аркылуу барганыбызда үйлөнүү-үлпөт салону өрттөнүп жатыптыр. Салондун 15 чарчы метри, ичиндеги эмеректер күйүп кетиптир. Өрт толугу менен 17:35те өчүрүлүп бүттү. Азыр өрттүн себептерин тактап жатабыз. Ал эми салондун ичиндеги эки адамдын бири 1989-жылкы жигит денесинен 10-15 пайыз күйүк алып, жанындагы аялынын денеси 80 пайызга күйүп, ооруканага жеткирилишти",- деди Нурлан Ташмамбетов.