Аламүдүн районуна караштуу Баш-Кара-Суу айылынан бычакталган адамдын жансыз денеси табылды

4-февралда Аламүдүн районуна караштуу Баш-Кара-Суу айылынан болжол менен саат 20:50дө белгисиз жарандын бычакталган жансыз денеси табылган. Бул тууралуу ИИМдин басма сөз кызматынан кабарлашты.

Төшүнүн сол тарабына эки, башынын кара куш тарабына алты жолу бычак сайылып жаракат алган адамдын жансыз денесин жергиликтүү тургундар таап, милицияга кабарлашкан. Кылмыштын изи сууй электе жергиликтүү милиция тарабынан ошол эле айылдын тургуну А.Ж. кармалып, маркум кошуна көчөнүн тургуну А.А. экендиги аныкталган.

Бул факт Аламүдүн ички иштер бөлүмүндө катталып, кылмышка шектүү адам убактылуу кармоочу жайга камакка алынып, тергөө амалдары башталды.