Тийиштүү агенттикке кен казуу тармагындагы сынактарды өз мөөнөтүндө өткөрүү тапшырмасы берилди

Өкмөт жетекчиси Темир Сариев 9-февралда Геология жана минералдык ресурстар агенттигинин директору Дүйшөнбек Зилалиевди кабыл алып, агенттиктин 2015-жылкы иши талкууланды.

Премьер тоо-кен тармагы өлкөнүн экономикасы үчүн маанилүү тармак экенин белгилеп, кен өндүрүүчү ишканаларды иштетүү боюнча өкмөттүн жана аталган агенттиктин алдында бир катар милдеттер турганын билдирди. Бул жылкыга пландалган сынактарды өз мөөнөтүндө өткөрүү зарылдыгын айтты.

"Жер-Үй", "Терекан-Перевальный", "Чаар-Ат", "Кичи-Чаар-Ат" кендеринде фабрикаларды куруу жана өндүрүштү ишке берүү боюнча пландын аткарылышы көзөмөлдөнмөкчү.

Зилалиев агенттиктин 2016-жылга пландары, жер казынасын пайдалануу укугун алуу боюнча аукциондорду өткөрүү жана коррупцияга каршы күрөшүү жолдору тууралуу маалымат бергенин өкмөттөн кабарлашты.