Борбор калаада катталган жол кырсыгында 15 жаштагы өспүрүм оор жаракаттарды алып жандандыруу бөлүмүнө түштү

Борбор калаадагы жол кырсыгында 15 жаштагы өспүрүм оор жаракаттарды алып жандандыруу бөлүмүнө түштү. Бул тууралуу бүгүн, 16-февралда SUPER.KG порталына Бишкек шаардык жол-кайгуул кызматынын басма сөз катчысы Атыр Бекмурзаева билдирди.

Маалыматка ылайык, жол кырсыгы кечээ саат 09:00 чамасында болгон. Анда Тынчтык кең көчөсү менен түштүк багытында бараткан Тойота Каролла үлгүсүндөгү унаанын айдоочусу жөө жүрүүчүнү сүзүп алган. Тойота Каролла унаасын анын артынан катуу ылдамдыкта келе жаткан Лексус RX-300 үлгүсүндөгү унаа сүзүп кеткен. Натыйжада 4 адам ар түрдүү жаракаттарды алып, 15 жаштагы өспүрүм оор абалда жандандыруу бөлүмүнө жеткирилген. Учурда бул факт боюнча тиешелүү экспертизалар дайындалып, иликтөө иштери жүрүүдө.