Бишкекте катардагы жаштардын ири суммадагы акча таап алганын көрсөткөн "Бир мешок акча" комедиясынын бет ачары өтүп жатат

Бүгүн, 24-февралда Бишкекте "Бир мешок акча" тасмасынын бет ачары өтүп жатат. Комедия жанрындагы тасмада режиссёрлук милдетти "Ак-Өргө City" тобунун жигиттери Рүстөм Аскенов менен Кубанычбек Курманбеков аркалаган. Ушул эки жигит тасмада башкы ролду жаратып, күлкүгө толгон тасманын көркүн ачышкан.

Рүстөм тасманын идеясы тууралуу төмөнкүлөрдү айтып берди: "Албетте, башка кыйын күн түшкөндө акча таап алууну кыялданбаган адамдар аз болсо керек. Биз ошол идеянын алкагында комедия жараттык. Албетте, анда акча бул турмушта баарын чечпейт деген ойду айткыбыз келди".