Жогорку Кеңештин депутаттары тик учак минип көрүштү

27-февралда өлкөнүн Куралдуу күчтөрүнүн Башкы штабынын №73809-аскер бөлүгүнүн базасында Жогорку Кеңештин Эл аралык иштер, коргоо жана коопсуздук комитетинин депутаттары менен бир күндүк аскердик окуу өткөрүлдү.

Башкы штабдан кабарлагандай, аскердик кызмат өтөөнүн шарттары менен тааныштыруу максатында депутаттарга курал-жарактардын түрлөрү көрсөтүлүп, ар түрдүү куралдардан ок атуулар аткарылды. Эл өкүлдөрү тик учак минип көрүштү. Алар №99713-аскер бөлүгүнүн командалык пункту менен да таанышышты.