"Азия MIX" командасы КВНдин Жогорку Лигасынын чейрек финалына өттү

"Азия MIX" командасы КВНдин Жогорку Лигасынын чейрек финалына өттү. Оюн 11-мартта Москванын Борбордук академиялык театрында орун алып, эң жогорку упай менен бишкектик команда алдыга чыккан 3 команданын биринчиси болду.

"Азия MIX" командасы - 11,7 упай;

"Русская дорога" АГПУ курамасы - 11,5 упай;

"ГУУ и МИСиС" курамасы - 10,8 упай;

"Физтех" курамасы - 10,3 упай;

"Уфа" командасы - 9,6 упай.

Эске салсак, өткөн жылы “Азия Микс” командасы КВНдин Эл аралык Жогорку Лига союзунун финалына чыга албай калган. 2015-жылдын 7-ноябрында Москва мэринин кубогунда командалар "Саламдашуу", "Капитандар сынагы" жана музыкалык номер боюнча өнөр көрсөтүшкөн. Бишкектик курама “Саламдашуу” сынагында лидерлик орунда болгон, бирок кийинки сынактарда артка кеткен. Жыйынтыгында Москва мэринин кубогун жана финалга жолдомону Дагестан курамасы (Махачкала, Дагестан) жеңсе, экинчи орунду казакстандык "Спарта", ал эми үчүнчү орунду "Азия Микс" алган.