"Курманжан датка" тасмасы Швейцариядагы эл аралык фестивалда көрсөтүлөт

"Курманжан датка" тасмасы Швейцариянын Фрибур шаарында 11-19-март күндөрү өтө турган эл аралык кинофестивалга катышат. Бул тууралуу “Айтыш-фильм” киностудиясынын басма сөз катчысы Чолпон Идрисова билдирди.

Фестиваль жыл сайын дүйнөдөгү мыкты тасмаларды чогултуп, Азия, Африка жана Латын Америкасынын кинопродукцияларын жайылтууда мыкты колдоо көрсөтүү боюнча алдынкы орунду ээлейт. Кинофорум түрдүү элдердин маданият-салтын көрсөтүүгө, жаңы ысымдарды ачууга, катышуучу өлкөлөрдүн маданий байланыштарын өнүктүрүүгө жана бекемдөөгө багытталган.

"Курманжан датка" тасмасы "Fiercer than the Male" кино жанрында көрсөтүлөт. Анда дүйнөдөгү аялдар тууралуу фильмдер көрсөтүлөт. Тасмалар 16-март жана 19-март күндөрү көрсөтүлөт.