Патриоттуулук, бекем достукту даңазалаган "Чүкө баатыр" комедиясынын жабык көрсөтүүсүнөн фоторепортаж

Борбордогу "Манас" кинотеатрында "Чүкө баатыр" аттуу тасманын бет ачары болуп өттү. Кинокомедия жанрында тартылган тасмада бекем достук, көздөгөн максатка умтулуу тууралуу жана кыялдарды орундатууга дайыма мүмкүнчүлүк бар экендиги баяндалат.

Тасмадагы ар бир диалог куйкум тамаша менен коштолуп, жашоодогу чыныгы көрүнүштөр чагылдырылган. Апасы, атасы, жадакалса ал жактырган сулуу кыздын да "колуңдан эч нерсе келбейт" деген шылдыңдарына туш болгон жигит алардын айткандары чындыкка дал келбестигин далилдемей болот. Жөнөкөй жигит Зияш намыстанып өзүн күчтүү, баатыр жигит экенин далилдейм деген максатта "Чүкө баатыр" наамын алып, досу менен биргеликте эрдиктерди жасап элге таанылууну чечет. Албетте, мындай баатырларды алдыда көптөгөн сыноолор, кыянаттык жана сүйүү күтүп турган болот.

Айта кетсек, "Чүкө баатыр" комедиясы 17-марттан тарта өлкөдөгү бир катар кинотеатрларда көрсөтүлө баштайт.