Кумтөрдөгү мөңгүлөрдү сактоого багытталган резолюция парламенттик угууда кабыл алынды

Бүгүн, 28-мартта Жогорку Кеңештин Агрардык саясат, суу ресурстары, экология жана аймактык өнүгүү боюнча комитетинде "Кумтөр кенинин аймагында жайгашкан муздардын абалы жөнүндө" маселени иликтөө боюнча эксперттик топтун отчёту боюнча парламенттик угуу аяктады.

Анын жыйынтыгында кендеги мөңгүлөрдү сактоого багытталган резолюция бир добуштан кабыл алынды. Комитеттин төрагасы Мирлан Бакировдун айтымында, жакында депутаттардан, эксперттерден, илимий мекемелердин өкүлдөрүнөн турган топ Кумтөргө барып, мөңгүлөрдүн абалы менен таанышып келмекчи.