Башкы прокуратура Үңкүр-Тоо боюнча өкмөттүн протоколун текшерет

Парламенттин Эл аралык иштер, коргоо жана коопсуздук комитети 29-мартта Аксыдагы Үңкүр-Тоодо жайгашкан станцияны башка жерге көчүрүүгө тийиштүү маселени карады. Жыйынтыгында комитет өкмөткө буларды сунуштады:

• Аксы районунун Үңкүр-Тоосунда жайгашкан “Кербен” (РРС-24) радиорелейлик станциясын башка жерге көчүрбөстөн азыркы турган ордунда калтыруу жана станциянын ишин күчөтүү.

• Бул боюнча өлкө жарандарына түшүндүрүү иштерин жүргүзүү.

• Башкы прокуратурага премьер-министр өткөргөн кеңешменин 2015-жылдын 11-ноябрындагы №18-177 протоколунун бурмалангандыгын текшерүү жана юридикалык баа берүү.

• Башкы прокуратура Жогорку Кеңештин Эл аралык иштер, коргоо жана коопсуздук комитетине аталган маселелер боюнча толук маалыматтарды 2016-жылдын 20-апрелине чейин жөнөтүүсү зарыл.