МЕДИА-ПОРТАЛ: "Коё бер мени, кайгы" ырынын клиби тууралуу Каныкей "андагы образдын жашоомо тиешеси жок" дейт

"Медиа-порталда" кызуу талкууга алынган, көп көрүлгөн клиптердин бири - ырчы Каныкейдин "Коё бер мени, кайгы" ырына тартылган клип. Клип ырчынын чыгармачылыгындагы алгачкы эмгек. Мына ушул ыры аркылуу элге кеӊири таанылган. Клип тууралуу ырчы буларга токтолду:

"Бул клип чыгармачылыктагы алгачкы эмгегим. Тартуу идеясы биринчи продюсериме таандык.
"Жамгыр төккөн талаада,
Жылаңайлак мен чуркадым.
Коё бергин мени, кайгы,
Мен эми башкамын".
Бул ырдын сөзү-обону мага таандык болгондон кийин, албетте, анда жашоомдун кайсы бир көз ирмемдери камтылган. Бирок клиптеги образ менин жашоомдон алынган эмес. Анда абстракттуу көрүнүштү көрсөтүүгө аракет кылганбыз".

Каныкейдин "Коё бер мени, кайгы" ырына тартылган клипти толугу менен бул жерден көрсөӊүз болот.