МЕДИА-ПОРТАЛ: Кезинде хит болгон "Классташым" ырынын клиби бир күндө кокусунан тартылганын айтат Клара Алибекова

Улуу муундун өкүлдөрү жакшы билишет, кезинде Клара Алибекованын "Классташым" ыры кандай хит болгонун. Ретро клип бүгүнкү күндөгү клиптерге салыштырмалуу алда канча сапатсыз болсо да, "Медиа-портал" бөлүмүндө көп каралган клиптердин катарын толуктайт.

"Ал кезде мен Жалал-Абадда 7-класста окучумун. Бир күнү Бишкек шаарына концертке келип, ушул клипти тарта кеткенбиз. Баары күтүүсүз болуп кеткен, кокусунан тартылып калган десем болот.
Клип 1995-жылы №68-мектепте тартылган. Режиссёру - Ашым Болотов. Мектептеги сабак өтүп жаткан класстардын бирине мени алып киришип, клип тартып башташкан. Мектептен башка жактан да кадрлар алынган, тартуу иштери бир күндө бүткөн",- дейт ырчы.

Клара Алибекованын "Классташым" ырына тартылган клипти бул жерден көрсөңүз болот.