КИНОЗАЛ: "Орхидея" тасмасын тартуу иштери аяктап калганда башкы ролду ойногон кыз "мени ала качып кетишти" деп коркуткан" дешет тасманын жаратуучулары

Тасманын жаратуучулары тасманы тартуу учурунда көп кызыктар болгонун айтышат. "Бизди эӊ эле коркутканы тасманын 70-80 пайызын тартып койгондо башкы каарман кызды ала качып кетишкени болду. Бир күнү эле Айнура съём­кага келбей калбас­пы. Ага телефон чалсак жок, "мени ала качып кетиш­ти, Нарындамын" дейт. Эми элес­тетсеӊиз, дээрлик көпчүлүк бө­лүгү тартылып бүткөндө башкы каармандын жок болуп жатканын. Бирок, чынында, актриса кызыбыз Нарынга конокко барса, аны менен чогуу жүргөн курбусун ала качышкан экен. Курбусун жалгыз алып кетпей Айнураны да кошуп алышыптыр. Аны Нарындан алып келип кайра съёмкабызды улантканбыз",- деп тасманын жаратуучулары маек беришкен эле.

Тасманын мазмунуна токтолсок, анда жигит ата-энеси менен тааныштырганы үйүнө сүйгөн кызын алып келет. Инсультка кабылган атасы ал кызды көрүп, экөөнүн ортосундагы болгон окуя эсине түшөт. Бир убакта бул кыз ал үчүн анын орхидеясы, гүлдөрдүн ханышасы эле.

"Орхидея" тасмасын бул жерден көрүӊүз.