МЕДИА-ПОРТАЛ: "Өмүр" ырына тартылган клипте Динара Акулова экөөбүздүн жашыбыздагы айырмачылык байкалбас үчүн сакал өстүргөм" дейт Өктөм Сапар уулу

"Медиа-портал" бөлүмүндө көп каралган, кызыктуу клип - Динара Акулова менен Өктөм Сапар уулунун аткаруусундагы "Өмүр" ырына тартылган клип. Ырчы Өктөм Сапар уулу бул ырдын клибине тартылып, жаңы имиджге ээ болгонун айтат.

"Клипти тартуу кызыктуу болду. Атайын Динара эже менен жаш айырмачылыгыбыз билинбесин деп режиссёрлордун сунушу менен сакал коюп, имиджимди өзгөрткөн болчумун. Тартуу иштери бүткөндөн кийин деле ошол имиджде калдым. Бассейнге секирүү үчүн "массовкага" көп адам керек болчу, бирок анчалык көп адам жок, эки жашты эле секиртип койгонбуз. Клипмейкерлер көбүнчө бизди чакырбай эле иштешип, баарын өздөрү бүтүрүп жатышты, жыйынтыгы жаман болгон жок. Дагы бир кызыгы, кооздук үчүн чихуахуа породасындагы күчүк менен да тартылган кадрлар бар болчу. Ал Динара эжеге эркелеп, жакшы тартылган жок, андыктан ал кадрларды алып салдык",- дейт ырчы.

Динара Акулова менен Өктөм Сапар уулунун "Өмүр" ырынын клибин бул жерден көрүңүз.