Чемпиондор Лигасында бүгүн "Барселонанын" футболчулары "Атлетикого" каршы турушат

Бүгүн, 13-апрелде Чемпиондор Лигасында 2 ири футболдук беттеш орун алмакчы. Беттештин бири Испаниянын, экинчиси Португалиянын борбор калаасында орун алат.

Фернандо Торрестин алгач эсебин ачып, анан айып кагазын алып майдандан четтетилгени көпчүлүктүн эсинде. Мадриддиктер бүгүн өткөн оюнга татыктуу жооп кайтаруу аракетин кызуу көрүшмөкчү.

“Атлетико” (Испания) – “Барселона” (Испания)

Стадион: Мадрид шаары, “Висенте Кальдерон” стадиону

Калыс: Никола Риццоли (Италия)

Башталышы: 00:45 (Бишкек сааты боюнча)

(Алгачкы оюнда “Барселона” 2:1 эсебинде уткан)

Алгачкы оюндун жыйынтыгында "Баварияга" алгачкы оюнда дагы 2 гол киргизүү ашыктык кылмак эмес" дегендер да болду. Германиянын чемпионун бүгүн татаал оюндардын бири күтүп турат.

"Бенфика” (Португалия) – “Бавария” (Германия)

Стадион: Лиссабон шаары, “Эштадиу да Луж” стадиону

Калыс: Бьорн Кейперс (Голландия)

Башталышы: 00:45 (Бишкек сааты боюнча)

(Алгачкы оюнда “Бавария” 1:0 эсебинде уткан)