МЕДИА-ПОРТАЛ: "Мерседес" клибин тартып жаткан маалда Айнура Тургунбаева чындап эле Авазды сабап салган" дейт Расул Маматкулов

“Медиа-портал" бөлүмүндөгү кызыктуу клиптердин бири – Расул Маматкуловдун “Мерседес” ырынын клиби. Ырдын мазмуну тамашалуу болгондуктан, ырчы клип тартылып баштагандан бүткөнгө чейин күлкү менен коштолгонун айтты.

"Клип "Ош базарынын" жанында тартылган. Бат эле эл оозуна алынып кетти. Анда роль жараткан Айнура Тургунбаева (Сакиш) менен Аваз Бакиров актёр болгондуктанбы, образды жакшы беришкен. Клип тартылып баштагандан бүткөнгө чейин күлкү менен коштолгон. Аваз чалкасынан түшүп бир кызды, бир Мерседести элестетип жатканда Айнура Авазды чындап эле сабап салган. Ошондо биз абдан күлдүк эле",- дейт Расул Маматкулов.

"Мерседес" ырынын клибин бул жактан көрүңүз.