Бишкекте жөө жүрүүчүнү сүзүп, анын өлүмүнө себепкер болгон айдоочу изделүүдө

Бишкекте жөө жүрүүчүнү сүзүп, анын өлүмүнө себепкер болуп, окуя катталган жерден качып кеткен айдоочу изделүүдө. Бул тууралуу бүгүн, 28-апрелде Жол-патрулдук милициядан билдиришти.

Маалыматка ылайык, 27-апрелде саат 22:30 чамасында Жибек-Жолу жана Кулиев көчөлөрүнүн кесилишинен белгисиз айдоочу жолдон өтүп бараткан 1972-жылы туулган Талас облусунун тургунун сүзүп, окуя болгон жерден качып кеткен. Оор жаракаттардан улам жабырлануучу каза болгон. Учурда айдоочуну издөө иштери жүрүүдө.

Эгер бул жол кырсыгы тууралуу кандайдыр бир маалыматка ээ болсоңуз, төмөнкү номурларга кабарлап коюңуз: (0312) 53-01-81, (0312) 53-22-33 же (0705) 14-07-82.