Бишкек шаарында зордуктоого шектелген жаран кармалды

Бишкек шаарында зордуктоого шектелген жаран кармалды. Бул тууралуу бүгүн, 2-майда Бишкек шаардык ички иштер башкы башкармалыгынан билдиришти.

Маалыматка ылайык, милицияга арыз менен 25 жаштагы С.А. аттуу шаар тургуну кайрылган. Ал 30-апрель күнү саат 00:30 чамасында Карачаев көчөсүндө жайгашкан үйлөрдүн биринен Н. аттуу чала таанышы күч колдонуу менен зордуктап койгонун билдирген. Жүргүзүлгөн иликтөө иштеринин алкагында кылмышка шектүү катары 32 жаштагы Т.Н. аттуу шаар тургуну кармалды. Учурда иликтөө иштери улантылууда.