Супер-Инфо
super.kg видео
ЭЛДИК КАБАР: 10 жана 20 жылдык мааракелердин ордуна жагымдуу иштерди жасоо күч алууда
Өлкө боюнча 10 жана 20 жылдык мааракелерди өткөрүүнүн ордуна жагымдуу иштер көп жасалууда. Мисалы, айылдардын кире беришине аркалар орнотулуп, мектептер жасалгаланып, колунда жокторго үй салынып жатат. Мындай иштерди SUPER.KG порталына окурмандар WhatsApp аркылуу жөнөтүп жатышат.
"Өзгөн районунун Чаңгет айыл өкмөтүнүн мындан 20 жыл мурун бүткөн бүтүрүүчүлөрү арка куруп, мектепке суу чыгарып беришти", - деп кабарлады окурман.
"Токтогул районунун Кара-Жыгач айылында мындан 20 жыл мурун мектепти аяктагандар кыргыздын улуттук баш кийими калпакка окшоштуруп кооз арка тургузушту. Элди кубандырып, кийинки жаштарга үлгү боло алышты", - дейт окурман.
Ушул эле айылда дагы бир жагымдуу иш болгону тууралуу кабар түштү.
"Токтогул районундагы Кара-Жыгач айылындагы мектепти аяктаганына 20 жыл болгон бүтүрүүчүлөр согушка кеткен аталарыбыздын аты-жөнү жазылган эстелик орнотушту. Айыл тургундары абдан кубанып, баталарын беришти", - дейт окурман.
"Талас облусунун Талас районуна караштуу Осмонкулов айыл аймагындагы мектепти 10 жыл мурун бүтүргөндөр соопчулук иштерин аткарып, ун, май жана башка азыктарды таратышты", - деп кабарлады окурман.
"Баткен облусунун Кадамжай районунун Күлдү айылында 1988-жылкы тургундардын мектепти бүтүргөндөрүнө 10 жыл болуптур. Алар Күлдү айылына аялдама куруп беришти", - дейт окурман.
"Ала-Бука районунун Т.Балтагулов орто мектебинин 2006-жылкы бүтүрүүчүлөрү мектептин алдына таш төшөлгө төшөп, жаңы отургучтарды коюп, мектептин алдын жарыктандырып беришти", - деди окурман.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.
кошулду
7
Биздин айылдагы 20жылдыктар эмне кылды болду экен кызык.