Президент селден жабыр тарткандарга жардам көрсөтүүнү уюштуруу үчүн Кадамжайга өз кеңешчиси Икрамжан Илмияновду жөнөттү

Президент Алмазбек Атамбаев 27-майда Баткен облусунун Кадамжай районундагы селдин кесепеттерин жоюу боюнча бардык зарыл чараларды көрүүнү өкмөткө тапшырды. Мамлекет башчы кырсыктын айынан курман болгондордун үй-бүлөлөрүнө көңүл айтып, аларга материалдык жардам көрсөтүүнү буюрду.

Президент жабыр тарткандарга жардам көрсөтүү боюнча иштерди уюштуруу үчүн Кадамжай районуна өзүнүн кеңешчиси Икрамжан Илмияновду жиберди.