Бишкекте уулу ата-энесин үйдө нан, суусуз калтыргандыктан, бир жумадан кийин курт-кумурскага таланып энеси каза болуп калды

Бишкекте уулу ата-энесин үйдө нан, суусуз калтыргандыктан, бир жумадан кийин курт-кумурскага таланып энеси каза болуп калды. Бул тууралуу 7-июнда "Карылар ресурстук борбору" билдирди.

Маалым болгондой, Бишкек шаарында аракеч уулу 1 жумадан бери карыган ата-энесин үйдө нан, суусуз калтырып, болгон каражатты алкоголдук ичимдикке коротуп жүргөн. Карыялар үйдөн чыга албагандыктан, курт-кумурскаларга таланып жата беришкен.

Алгач "Тез жардам" кызматына алардын абалын коңшулары кабарлашкан. Дарыгерлер барганда алар 7-8 күндөн бери азыктанбай, битке таланып, оор абалда жатышкан. №1-шаардык ооруканага алынып келип текшерүүдөн өткөрүлгөндө денесинен ар кандай курт-кумурскалардын тиштеген издери байкалган. Акыркы күндөрү карыялар курт-кумурскаларды жеп азыктанганын да айтышкан. Тилекке каршы, 83 жаштагы кемпир жандандыруу бөлүмүнөн чыкпай каза болуп калган. Абышканын учурдагы абалы жакшырып, дарыгерлердин көзөмөлүндө. Ал дагы бир курстук дарылануудан кийин ооруканадан чыгат, бирок ооруканадан чыккандан кийин анын кайсы жакка барары азырынча белгисиз.