Сүйүн Өмүрзаков ички иштер министринин орун басары болуп дайындалды

Ички иштер министрлигинин Ош шаары жана Ош облусу боюнча башкы башкармалыгынын башчысы Сүйүн Өмүрзаков ички иштер министринин биринчи орун басары болуп дайындалды. Тийиштүү буйрукка өкмөт башчы Сооронбай Жээнбеков кол койгонун ИИМдин маалымат кызматы билдирди. Өмүрзаков бүгүн министрликтин жамаатына тааныштырылды.

Ал эми өкмөт башчынын башка буйругу менен министрдин мурдагы орун басары Нурбай Касымбаев кызматынан бошотулду.