Супер-Инфо
super.kg видео
Сокулук районунда "башка адамдын паспорту менен банктан ири суммадагы насыя алган" деген шек менен банк кызматкери кармалды
Чүй облусунун Сокулук районунда "башка адамдын паспорту менен банктан ири суммадагы насыя алган" деп шектелген адам кармалды. Бул тууралуу бүгүн, 15-июнда Ички иштер министрлигинин басма сөз кызматынан билдиришти.
Маалыматка ылайык, Сокулук районундагы банктардын биринин кызматкери жергиликтүү А.А. аттуу жарандын паспортун алдап алып, банктагы эрежелерди бузуп, жабырлануучунун атынан мыйзамсыз түрдө ири суммадагы насыя алган. Паспорт ээси анын атынан насыя алынганын билген эмес. Иликтөө иштеринин алкагында жасалма кол коюлган документтер табылган.
Аталган факт боюнча кылмыш иши козголду. Учурда тергөө иштери жүргүзүлүүдө.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
Рейтинг: 
0
0
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.