Бишкек шаарында өткөрүлүп жаткан рейдде 35 протокол толтурулуп, 5 кичи автобус айып аянтына токтотулду

Бишкек шаарында патрулдук милиция кызматкерлери тарабынан өткөрүлүп жаткан рейдде 35 айып кагаз толтурулуп, 5 кичи автобус айып аянтына токтотулду. Бул тууралуу SUPER.KG порталына Бишкек шаарынын патрулдук милициясынын басма сөз катчысы Таалай Бугубаев билдирди.

Маалыматка ылайык, бүгүн, 17-июнда саат 10:00дө башталган рейддин жүрүшүндө ушул сааттарга карата 35 кичи автобустун айдоочуларына протокол толтурулду. Ал эми техникалык кароосу талапка жооп бербеген 5 кичи автобус айып аянтына токтотулду.

"Рейддин жүрүшү бүгүн саат 19:00гө чейин уланат. Жогорудагы көрсөткүч дагы өсүшү мүмкүн", - деди Бугубаев.

Эскерте кетсек Бишкек шаардык патрулдук милициясынын тескөөчүсү Жыргалбек Абдыкулов: "Рейддерди жүргүзүп, коомдук унаалардын айдоочуларынан транспорттордун абалын жакшыртуу, калкты сапаттуу тейлөө талаптарын коюп жатабыз", - деп билдирген.