СУПЕРСТАН: "40 жаштагы эркек кыз алат, 40 жаштагы кызды ким алат?"

SUPER.KG порталынын "Суперстан" бөлүмүндө "Канча жаштагы кыз кара далы аталат?" деген тема талкууга алынууда.

Темадагы билдирүүлөрдөн:

"Жаш курагы жогорулап, бирок турмушка чыкпагандарды кара далы дешет. Мурун кыздарды 12-14 жашында турмушка узаткан учурда 18 жаштан жогоркуларды кара далы дешкен экен. Азыр 18 жашта мектепти бүтүп, ЖОЖго барып жатышат. Демек, кара далынын да жашы өзгөрүүдө. Кыздар билим алган сайын күйөөгө тийүүнү кечиктирип жатышат. Дүйнө элинин көз карашына токтолсок, Кытайда кара далы кыздын болжолдуу жашы 27де. Кореяда 30 жаштан кийин турмушка чыгам дегендер көп. АКШда 100 кыздын ичинен 4 кыз 40 жашка чейин турмушка чыкпаган болот экен. Орусияда да кесипчил кыздар көбөйүүдө. Дин жагынан караганда, 16 жаштан тарта турмушка узатуу керек дегенди укканым бар".

"Жаңылыктарды, окуяларды окуп жатып, азыркы убакта 18 жаштагы кыздар кара далы болуп калышат окшойт деген ойго келесиң. 13-14 жашар кыздар жигитинин машинасын айдап талкалап жатышса".

"Азыр бизде мектепти бүтүп, бир-эки жылдын ичинде турмушка чыкпаса, "кара далы болуп каласың" деп түрткүлөй башташат экен. Мен 23-25 жаш аралыгында турмушка чыгам деп ойлойм, мени элдин сөзү кызыктырбайт".

"Менимче, 30 жаштан ашып калгандарды айтса керек".

"Бизде азыр түшүнүк бир кызыктай эле болуп баратат. Менин эжем башка бир эжеме мени "качан турмушка чыгат экен, кара далы болуп баратат" деп айтыптыр. Ошондо ал эжемден көңүлүм калган. Анда мен 20 жашка толо элек элем. Анан эжем "Сиз эмне шашылып жатасыз, ал 20 жашка чыга элек. Сиз экөөбүз 22, 23 жашыбызда турмушка чыкканбыз" деп айтыптыр. Кийин 20га толгондо турмушка чыктым. Менин оюмча, 25 жаштан ашкандарды ошентсе керек".

"Мурда ойлочумун, 25, 26 жашта турмушка чыгам деп. Азыр 26 жашымда эки кыздын энеси болуп калдым".

"40 жаштагы эркек кыз алат, 40 жаштагы кызды ким алат?"

Талкууга кошулгуңуз келсе, бул жакка кириңиз.