Бишкекте куткаруучулар сууга чөккөн 3 кызды куткарып калышты

25-июнда Өзгөчө кырдаалдар министрлигинин Бишкек шаардык куткаруу кызматынын куткаруучулары Пионер көлүндө чөгүп жаткан 3 жаш кызды куткарып калышты. Бул тууралуу ӨКМнын басма сөз кызматынан кабарлашты.

Маалыматка ылайык, окуя болжол менен саат 14:30да болгон. Ата-энелери менен сууга түшүүгө келген 8 жашар 1 кыз жана 9 жаштагы 2 кыз сууга чөгүп баштаган. Муну байкаган куткаруучулар аларды суудан жээкке алып чыгышкан. Аларды ата-энелери алаксып карабай калышканы маалым болду.