26-июндан 27-июнга караган түнү өлкө аймагында 6 ирет жер титирөө катталды

Кыргыз Республикасынын аймагында 26-июндан 27-июнга караган түнү 6 ирет жер титирөө катталды. Өзгөчө кырдаалдар министрлигинин Сейсмология институтуна таянып берген маалыматына караганда, жабыр тарткандар жана каза болгондор жок.

Маалым болгондой, саат 17:16да жер титирөөнүн очогу Кыргыз Республикасынын Тажикстан жана Кытай менен чектешкен аймактарына жакын жерде орун алган. Анын күчү 6-7 баллга жеткен. Ош облусунун аймагында 4-5 балл, Баткен облусунун аймагында 3, 5-4 балл, Нура айылында 6 баллга сезилген.

Ал эми 18:21де да өлкө аймагында күчү 3, 4-5 баллга жеткен жер титирөө катталган. Анын күчү Алай районунун Бор-Дөбө айылында 3 баллга жеткен. 20:21де да катталган жер силкинүүнүн күчү 4 баллга жетип, Бор-Дөбө айылында 4, Нура айылында 3,5 баллга сезилген. 20:58 мүнөттө кайрадан эле Кыргыз Республикасы менен Тажикстандын чек арасында жер силкинип, күчү 3,5 баллга барабар болгон. Анын күчү Бор-Дөбө айылында 3 баллга байкалган. Ошондой эле саат 00:04тө жана 00:51де Алай районунда жер силкинип, Бор-Дөбө, Нура айылдарында күчү 2,5 жана 3 баллга жеткен.