Балыкчы-Корумду жолунун курулушуна бюджеттен кошумча 1 миллиард сом бөлүнөт

Жогорку Кеңештин Бюджет жана финансы боюнча комитети өкмөттүн республикалык бюджетине өзгөртүү киргизип, Балыкчы-Корумду унаа жолунун курулушуна кошумча 1 миллиард сом өлчөмүндө каражат кароо сунушун жактырды. Бул тууралуу парламенттин басма сөз кызматы билдирди.

Маалыматка ылайык, мындан тышкары тармактык комитет жергиликтүү жолдорду калыбына келтирүү багытында бюджеттен 10 миллион сом өлчөмүндө каражат кароо чечимине келди.