Жогорку окуу жайларга кабыл алуунун 3-туруна 779 гранттык орун калды

Жогорку окуу жайларга абитуриент кабыл алуунун 3-туруна карата 779 гранттык орун калды. Маалыматты 25-июлда билим берүү жана илим министри Эльвира Сариева билдирип, 2015-жылы
3-турга 1087 гранттык орун калганын эскертип өттү.

Жогорку окуу жайларга кабыл алуунун экинчи айлампасынын жыйынтыгында 1831 абитуриент кабыл алынды. Тагыраагы, 2-турга каралган бюджеттик орундардын 84 пайызы толду. 2015-жылы 78 пайызы толгон. Абитуриенттерди кабыл алуунун 3-туру 25-30-июль күндөрү өтөт. Гранттык орундарды бөлүштүрүүнүн башкы критерийи - конкреттүү багыттар боюнча эмгек рыногунун талабы, эмгек ресурстарына болгон талаптар боюнча божомолду эске алуу экени айтылды.

Быйыл ЖОЖдорго кирүү үчүн сынакка жалпы 26 миңдей абитуриент катышкан.