Шамалды-Сайда 18 жаштагы кыз 13 күндөн бери дайынсыз болуп жатат. Апасы анын кайда жүргөнүн билгендерге сүйүнчүсү боло турганын айтты

Жалал-Абад облусунун Шамалды-Сай шаарчасынын 18 жаштагы тургуну Гүлнура Райимжан кызы 13 күндөн бери дайынсыз болуп жатат. Өзүн кыздын апасымын деп тааныштырган Калыс Мамашова SUPER.KG'ге кызынын жоголгонун 26-июлда билдирди. Гүлнура аталган шаарчадан 13-июль күнү кечки саат 20:10 чамасында чыгып кеткен бойдон кайрылып келген эмес. "Ошол күндөн бери издеп, дайынын билбей жатабыз. Жакын туугандар, милиция издеп жатат, эч кандай маалымат жок. Анын кайда жүргөнүн билгендер айтышса, сүйүнчүсү болот", - деди апасы Мамашова.

Кыз үйдөн ак түстөгү футболка, ак түстөгү шым кийип, кара түстөгү баштык көтөрүп кеткен. Гүлнура Райимжан кызы 1998-жылы 28-июлда төрөлгөн.

Эгерде аны көргөн-билгендер болсо,
(0772) 11-66-28, (0777) 60-45-26, (0557) 56-04-69, (0779) 56-66-40 телефон номурларына байланышсаңыздар болот.