Тажикстан Кыргыз мамлекетине электр энергиясын бербей турган болууда

Тажикстан Кыргыз Республикасына быйыл электр энергиясын бербей турган болууда. Аталган өлкөнүн энергетика жана суу ресурстары министри Усмонали Усмонзода Согди облусундагы өнөр жай ишканаларынын электр энергиясына болгон суроо-талабы жогору болгондуктан, Тажикстан ушундай чечимге барып жатканын 26-июлда берген маалымат жыйынында айтты. Бул тууралуу Тажикстандын ММКлары жазышты.

Кыргыз мамлекети 2 миллиард киловатт-саат электр энергиясын сураган. "Биздин түндүк аймак дагы ири көлөмдөгү электр энергиясына муктаж", - деди ал.

Кыргыз өкмөтү Токтогул суу сактагычында сууну максималдуу чогултуу максатында 2016-2017-жылдын күз-кыш мезгилине даярдыктардын башталышына карата электр энергиясын Тажикстандан өз ара алмашуу аркылуу алууну пландап жаткан.